好多年前我去左狗場做義工，當時見到有一隻老狗，成個狗場最老應該係佢了，原來佢原本既主人要照顧生cancer嘅太太，無能力再照顧老狗仔了。
當時見到佢就諗起公公臨走之前都係自己一個孤零零咁生活，我覺得佢好似公公，同佢相處左半日，我無考慮太多就直接帶左佢番屋企，仲幫佢改左個名叫呀旺。呀旺始終大年紀，隻眼開始唔係咁睇到野，開始有白內障，同埋佢本來都有心臟病…爸媽鬧我拎隻老狗番黎養話我on居…但係我真係覺得佢好似公公…係我最中意既公公:(
我仲記得佢走果刻，我只係默默地望住佢，我好徬徨…我真係望住佢好耐，先醒覺要整理佢遺體，但我唔知要做d咩
咁我上網搵寵物善終啦，見到有間叫再見寵兒就打左電話去，個聽電話姐姐都幾好，佢教我開冷氣，等呀旺可以降溫，仲叫我準備佢最中意既野帶埋一齊走。當時佢地d司機好快就黎接走左呀旺，見到我情緒失控安慰我，同我傾左一陣計之後，摸下呀旺就擺佢入箱了…跟住既野我都係交比佢地處理，好快趣就已經完成左，所以我同爸媽都無特登請假去元朗果邊
我聽我fd講之前佢幫襯另一間寵物善終公司，d員工無咩禮貌，我果陣心諗可能人地打份工姐，但係佢話覺得好唔舒服，成個過程都好似欠左佢地咁，我都有同佢地推介再見寵兒，人地公司服務質素我唔知la，但呢度係親切同舒服既，如果將來大家有需要呢項服務，我會推介呢度架！
－客人Isaac Leung